爺爺雞煲皇 (美景街) (Closed)

男朋友最愛打邊爐，今晚佢揸車黎接我收工，我地去左土瓜灣食雞煲火鍋啦！我地兩個都幾鐘意食雞煲火鍋架，先食雞煲後打邊爐，都好過癮。餐廳環境都算好大，而且乾淨整齊唔會好污糟。男朋友先叫左一個雞煲，大大煲雞件份量非常多，熱辣辣超過癮架！雞肉加入大量香料炒香，雞肉嫩滑夠鮮甜，入口無雪味，食到最後都唔會好油膩。雞肉爽嫩唔會乾身！食完雞煲再打邊爐，男朋友必點肥牛，牛肉香嫩油脂平均，輕輕一滾就食得，牛味都算突出！我地仲叫左炸魚皮、響鈴、豆腐等等，全部都好食！