路邊煱 (Closed)

聖誕假期，梗係要約朋友仔出黎見下面啦。食咩好？難得凍凍地，指定動作當然係打邊爐啦。咁岩呢日大家都係九龍，就黎試下大家都讚好既路邊煱先!七點去到，時間尚早，見到好多不同款式既煱底也很吸引，不過今晚同行友也是嗜辣之人，一於點個招牌辣雞煲先。點完菜，梗係要混醬一番又是指定的生蒜加辣椒。雞煲未到，小食先到，我地實在太太太肚餓了。八味金磚豆腐即刻塞一粒入囗先！外面炸得很跪，沾滿味粉，不用任何醬汁也很出色。入面的豆腐依然保持嫰滑。size剛剛好，一口一粒，十多粒小豆腐已經係五分鐘內被我地消滅哂。招牌雞煲皇與此同時，雞煲也來了！上台香氣十足，加上有大量友人至愛之芫茜。半隻雞份量，兩個人剛好。我們要了小麻小辣，很適合我們的口味，雞肉不鞋，入味，再加上有大量洋蔥，重口味人士又怎能不愛。手切本地肥牛拼牛頸脊這個是超級推介。肥牛脂肪分布很平均，紅白相間，就算淥耐左，依然稔身，一點也不韌，個人偏愛牛頸脊，牛味較重。響鈴亦是這裡的另一招牌，即叫即炸，香味十足。$38有六條，絕對抵食。隨便淥兩淥，吸收哂所有精華，但依然保持獨有所腐竹香味，正。海蝦打邊爐又怎能錯過我最愛的海鮮呢？點左個海蝦，不要淥太久，蝦是新鮮的。