Video
Read full review
2017-02-03
1106 views
雞煲]因為驚肥嘅關係，一年頂盡食一至兩次雞煲。我將呢個咁神食嘅機會比左一品。本身打算去食旺角嗰間，但多人到痴左線，成8點都仲有過百張台喺前面等緊，真係等到佛誔都未必食到，所以，我地決定轉戰土瓜灣分店。去到前面都有大概5group人等緊，個情況好得多啦。等左半個鐘就入得，原來入面好大，成8、9點都仲好多人。我地4個人都比左張大台我地，可以一路睇電視一路食雞煲一路吹水，正！嗌左一隻雞小辣再加其他野，大大大杯凍檸茶要飲是常識吧！啲雞都算多肉同幾滑，係咁食晒佢啲洋蔥😂佢索晒汁真係好正！雞煲除左雞洋蔥都係精髓！開頭擔心太耐冇食之後會唔慣，再加上打邊爐會愈打愈辣，所以叫左小辣。但因為一品嗰種辣係偏甜的，個人認為可以再辣多少少。其他食物必點響聆同墨魚滑。食到飽飽吹水吹到12點先捨得走！對呢個年度雞煲感到好滿意！
因為驚肥嘅關係，一年頂盡食一至兩次雞煲。我將呢個咁神食嘅機會比左一品。本身打算去食旺角嗰間，但多人到痴左線，成8點都仲有過百張台喺前面等緊，真係等到佛誔都未必食到，所以，我地決定轉戰土瓜灣分店。
去到前面都有大概5group人等緊，個情況好得多啦。等左半個鐘就入得，原來入面好大，成8、9點都仲好多人。我地4個人都比左張大台我地，可以一路睇電視一路食雞煲一路吹水，正！
嗌左一隻雞小辣再加其他野，大大大杯凍檸茶要飲是常識吧！
啲雞都算多肉同幾滑，係咁食晒佢啲洋蔥😂佢索晒汁真係好正！雞煲除左雞洋蔥都係精髓！
開頭擔心太耐冇食之後會唔慣，再加上打邊爐會愈打愈辣，所以叫左小辣。但因為一品嗰種辣係偏甜的，個人認為可以再辣多少少。
其他食物必點響聆同墨魚滑。食到飽飽吹水吹到12點先捨得走！對呢個年度雞煲感到好滿意！
Post
