尚上下夏 - 養生雞煲火鍋 (Closed)

晚上去左山林道食雞煲打邊爐。叫咗雞煲單鍋，雞嘅份量叫左半隻。開火熱左陣，好快就食得。面頭放左好多芫荽蔥。雞煲醬汁幾野味，仲有啲豬皮同紫洋蔥。食完就落養生藥膳湯繼續打邊爐。叫咗手切極品靚牛王，肉味偏濃，快滾之下好快就食得，唔使淥太耐。另外叫咗特選黑豚肉，肉質唔會好鞋。健康雜菜籃就放咗好多種菜，有娃娃菜、菜心、皇帝菜、白菜、粟米。仲叫左油炸鬼墨魚滑，淥大概1分鐘就搞掂，油炸鬼軟硬適中。整體來講雞煲味道唔錯。