Video
Read full review
2016-06-28
2018 views
30幾度大熱天時想打邊爐！即刻即興約左食飯團食雞煲。一入去老闆就好熱情招呼我地，介紹佢既雞煲話最多人食麻辣雞煲同芝士雞煲，可以叫半隻或一隻雞，我地唔食咁辣，叫左一個半隻雞既海鮮雞蟹煲（$328）試下，老闆即刻好積極落單準備個煲。等左無耐個煲終於黎喇，個煲比其他半隻雞既雞煲大，可能因為仲有其他海鮮。海鮮有海蜆、一隻蟹、海魚骨，味道好好，我地叫左BB辣，炒得好香同醬料都好香。海蜆既殻好厚，隻隻都開口有肉，蟹蓋都有幾多蟹膏，屬係一般大小，而魚骨無乜肉但令成個雞煲提鮮左好多好多，應該係用大魚，有幾年係魚鰭食到有啲膠質。而雞肉肉質唔錯扎實無肥膏，件件雞都有肉無煮過熟，有啲驚喜既係雞胸好滑，平時雞煲我淨係食雞腿位因為雞胸通常煮到好鞋，呢個煲既雞胸咬落去啖啖肉又唔鞋，正👍🏻老闆話係三黃雞所以雞胸都會滑！不過原來呢個煲叫半隻雞3個人唔太夠喉，早知叫1隻雞。喺我地開始食雞煲既時候開始黎左好多檯客，見到場面開始好忙，而當晚應該得3-4個人做野，大半晚得返一位阿姐喺樓面走黎走去，所以食完雞煲要換Gas、要加湯、等火鍋料都等左好一陣先有反應。我地叫左一碟細既雪花肥牛（$158），見到肉質幾靚雪花分明，幾滑鞋唔
一入去老闆就好熱情招呼我地，介紹佢既雞煲話最多人食麻辣雞煲同芝士雞煲，可以叫半隻或一隻雞，我地唔食咁辣，叫左一個半隻雞既海鮮雞蟹煲（$328）試下，老闆即刻好積極落單準備個煲。等左無耐個煲終於黎喇，個煲比其他半隻雞既雞煲大，可能因為仲有其他海鮮。海鮮有海蜆、一隻蟹、海魚骨，味道好好，我地叫左BB辣，炒得好香同醬料都好香。海蜆既殻好厚，隻隻都開口有肉，蟹蓋都有幾多蟹膏，屬係一般大小，而魚骨無乜肉但令成個雞煲提鮮左好多好多，應該係用大魚，有幾年係魚鰭食到有啲膠質。而雞肉肉質唔錯扎實無肥膏，件件雞都有肉無煮過熟，有啲驚喜既係雞胸好滑，平時雞煲我淨係食雞腿位因為雞胸通常煮到好鞋，呢個煲既雞胸咬落去啖啖肉又唔鞋，正👍🏻老闆話係三黃雞所以雞胸都會滑！不過原來呢個煲叫半隻雞3個人唔太夠喉，早知叫1隻雞。
海鮮雞蟹煲（半隻雞）
$328
30 views
0 likes
0 comments
我地叫左一碟細既雪花肥牛（$158），見到肉質幾靚雪花分明，幾滑鞋唔鞋。雙拼滑（$98）即係手打蝦滑同墨魚滑，好彈牙，食得出唔係街市貨色。竹笙（$98）用黎索湯精華好正，夠爽口大條完整，醬爆肉丸（$48）、三式餃子（$58）都好食，有韮菜餃、鮮蝦雲吞同魚皮餃，個人覺得韮菜餃同魚皮餃較為出色，因為韮菜夠多 & 魚皮餃好彈牙。反而蘿蔔切得略薄又有根。之後再點紅薯粉同豬梅肉（$88）都好食，豬梅肉刨得夠薄，紅薯粉（$48）份量幾多又好煙un。飲品有啲係鴻福堂出品，飲品大致上$14枝，價錢合理。不過無人主動同我地講火鍋有醬料，我地等左好耐加湯、換Gas之餘問有乜醬料，阿姐就問我地要乜醬，但係我地都唔知有咩揀...跟住就好忙走去整其他野。我地又等左陣問有無麻醬但最後阿姐放低左2碟麻辣醬就口嗡嗡走左.......雖然唔係麻醬，不過個麻辣醬真心講整得幾好食既...😅錯有錯著。而且到第2次加單果時提醒鵝腸未到先被告知無曬鵝腸...不過佢講會即刻張單取消呢個order。烚下烚下等下等下就食左2個半鐘，嘆左成晚冷氣！
29 views
0 likes
0 comments
雪花肥牛（細）
$158
23 views
0 likes
0 comments
竹笙
$98
11 views
0 likes
0 comments
我地3個人食左接近$1100，老實講每人300幾蚊唔算抵食又唔算叫左好多野食，尤其而家咁多蒸海鮮火鍋定食/放題彈起，不過佢既雞煲的確係出眾👍🏻雞肉肉質比好多間雞煲高質！而且開得夠夜到半夜2點，食到無限時又唔使排長龍。
Post
