Video
Read full review
2022-07-19
2100 views
斗滾係我暫時喺香港食過最抵食，又好食嘅任食雞煲火鍋。因為大家都知道任食唔可以要求咁高，而且只需二三百一位，志在係過吓癮，同一時間可以滿足雞煲同火鍋嘅願望。但係斗滾真係令我改變對任食嘅睇法。首先坐低店員亦都有介紹用餐順序，先食雞煲，然後蒸海鮮，接着飲燉湯，最後打邊爐。雞煲一上枱已經好香，店員話要每2分鐘再炒一次，一共四次就食得啦。加埋芫荽蔥，真係好惹味😋最欣賞係有豆腐卜，紫洋蔥🧅，兩樣都入晒味，正👍🏻我哋一行10個人，先叫兩個雞煲，都唔使20分鐘已經要再order多兩個。我哋唔敢食咁多🤣因為驚之後食唔到，所以最後四個就收手啦。食完雞煲之後等10分鐘左右就上海鮮。一個大圓盤裝晒10個人嘅份量，好壯觀😛真係唔食得都睇得。海鮮包括有鮑魚，魚，聖子，扇貝，蝦，沙白，煮法都係豉油蒜蓉加少少辣椒🌶️。蒸嘅時間啱啱好，唔會老，食到鮮味。而且有殼嘅海鮮都會先脫殼，咁就更加方便食啦。跟住就係燉湯時間，我哋揀咗涼瓜花膠雞湯，仲有竹絲雞湯。兩款湯滾咗之後每人飲一碗就可以打邊爐。兩款湯都係勁足料，尤其是竹絲雞湯，真係原隻雞上，加埋紅棗桂圓桃膠，即刻覺得飲完好養生。打邊爐嘅主角就梗係手切牛頸脊！非常非常有肉味，而且
因為大家都知道任食唔可以要求咁高，而且只需二三百一位，志在係過吓癮，同一時間可以滿足雞煲同火鍋嘅願望。但係斗滾真係令我改變對任食嘅睇法。
首先坐低店員亦都有介紹用餐順序，先食雞煲，然後蒸海鮮，接着飲燉湯，最後打邊爐。
雞煲一上枱已經好香，店員話要每2分鐘再炒一次，一共四次就食得啦。加埋芫荽蔥，真係好惹味😋最欣賞係有豆腐卜，紫洋蔥🧅，兩樣都入晒味，正👍🏻我哋一行10個人，先叫兩個雞煲，都唔使20分鐘已經要再order多兩個。我哋唔敢食咁多🤣因為驚之後食唔到，所以最後四個就收手啦。
食完雞煲之後等10分鐘左右就上海鮮。一個大圓盤裝晒10個人嘅份量，好壯觀😛真係唔食得都睇得。海鮮包括有鮑魚，魚，聖子，扇貝，蝦，沙白，煮法都係豉油蒜蓉加少少辣椒🌶️。
蒸嘅時間啱啱好，唔會老，食到鮮味。而且有殼嘅海鮮都會先脫殼，咁就更加方便食啦。
跟住就係燉湯時間，我哋揀咗涼瓜花膠雞湯，仲有竹絲雞湯。兩款湯滾咗之後每人飲一碗就可以打邊爐。兩款湯都係勁足料，尤其是竹絲雞湯，真係原隻雞上，加埋紅棗桂圓桃膠，即刻覺得飲完好養生。
打邊爐嘅主角就梗係手切牛頸脊！非常非常有肉味，而且唔會因為仼食而薄薄一片，好新鮮，而且一盤嘅份量亦都不少。我地叫到第10盤既時候，份量依然咁多。其他配料就可以出邊自己攞，10分推介墨魚滑蝦滑。入面嘅餸仲多過啲粉漿😀食得到粒粒墨魚肉，又彈牙爽口。大家一定要試下。我哋食食吓唔經唔覺食咗四個鐘🤣🤣好滿足呀
大家一定要bookmark呢間餐廳，一大班人一齊去真係好開心，可以試多啲嘢。下個月又有朋友生日😍，我哋又book咗再去🤣🤣因為性價比真係好高。
Post
