爺爺雞煲皇 (Closed)

 雞煲大家可能食得多，今次有個朋友推介超好食，順便又可以打邊爐，所以我就山長水遠同佢入元朗嘅爺爺雞煲皇，不過我覺得又去錯一入到去都算多人，我同個fd坐低無耐就有waiter行黎問我地食咩，我地話第一次黎, 佢就介紹我地食個招牌雞煲，我地話好佢就幫我地落單, 都幾好態度下。食雞煲之前我地點咗盤刺身，見隔離枱點嘅刺身好似唔錯，我地又跟機點咗盤試下，當食雞煲嘅熱身。一大盤刺身，全部都好新鮮，特別推薦三文魚同牡丹蝦，三文魚超級厚切，肥美有魚脂香味，牡丹蝦大大隻，好鮮甜！終於到雞煲出場，聞聞下已經覺得好肚餓忍唔住就起動。我同個fd都好中意食辣，但係個雞煲真係好好食，個雞煲又麻又辣，夾完一舊又一舊，食到個咀都紅哂。之前試過係其他地方食雞煲，雞煲面頭果浸都無乜野，唔知點解入面果浸既雞就成舊膠咁，咬極都咬唔開(PS 沙田富臨。。。)，呢度d雞就無咁既事，而且都幾嫩口。同埋個雞煲都真係好大鍋下，食完個雞煲我地點左少少肥牛同丸已經好得飽，啲丸都係手打嘅，所以同其他打邊爐店比彈牙好多，口感完全唔同。今次又食到剌身，又有雞煲，又可以打邊爐，真係一次過滿足我3個願望！ 賣單每人都係三百幾蚊，但食材嘅質素都幾高下