陸陸雞煲火鍋 (Closed)

放工相約好同事食好西輕鬆下，天氣轉涼近近地在旺角打邊爐，食雞煲老店新花臣龍蝦湯火鍋。-三百蚊位其實唔平但包幾多野，坐低先來前菜冰鎮花螺幾爽口。雞煲先上微辣好夠味略嫌多油，洋蔥青椒莞茜香口雞份量算多。服務不錯職員邊吃邊提點防焦。-雞煲愈食愈出油好彩會換湯底，主角龍蝦湯煲出場搶眼又大隻，蝦肉結實都幾甜仲有工具拆肉。可惜湯底咸唔啱飲只能打邊爐。海鮮盤按人頭有七至十款海鮮，鮑魚仲郁郁貢蟶子貴妃蚌大隻，仲有泰國蝦帶子脆肉鯇蠔花蛤，都算新鮮味道唔錯已經有點飽。-仲有肉盤豬牛肩胛骰子牛各少少，手打蝦丸唔錯但墨丸肉丸較失色。鮮炸響鈴魚皮酥脆菇菜盤份量多；餃子盤實在太飽只好完壁歸趙喇。兩個女仔戰鬥力不夠解決成個餐。甜品幾得意是堅西瓜冰及雪米糍。-整體來講係一次過滿足你所有願望，龍蝦海鮮豬牛雞煲菇菜餃丸乜都有，海鮮新鮮唔錯嘅其他野味道算可以，我就食唔完喇大胃王應該會好滿意。