金鶴拉麵 (荷李活道) (Closed)

🍜極濃雞白湯拉麵 $138湯底厚身，無平時豚骨湯底咁濃郁，但亦無咁油膩。相對係似餐牌描述咁，飲到好似骨膠原嘅濃稠質感。第一啖覺得無想像中咁香濃，慢慢食落，雞湯咁香味漸漸散發，越嚟越品嚐雞湯嘅美味😋炸牛蒡入口香炸，更添惹味，同依款拉麵好夾👍🏻糖心蛋都整得非常出色。相對地旁邊嘅雞肉同叉燒，就淨係簡單調味，只帶少許鹹味，可能唔想搶走雞湯嘅清香。叉燒口感不錯，雞肉就較淡味。🍜北海道蟹湯拉麵 $138味道相對較濃鹹。湯底濃郁，充滿蟹味精華🦀，面層蟹肉碎都唔少，配上湯底入口，整個蟹肉鮮味🦀係口中散開🫢整體好食，不過之後會係咁想飲水😂份量都ok，價錢方面就貴左啲，未到好高性價比。味道唔錯，但又未至於令我刻意去食多次。