天浮橋拉麵 (Closed)

想係元朗食拉麵，友人話想試下呢間天浮橋！餐廳內外貼左好多日本海報，簡單裝修又不失日本味道。食物選擇有拉麵有滷麵，亦有教法點食係最正！錦爽雞肉小丸子 $20 叫得小丸子，當然係細細粒，一啖一粒過下口癮做餐前小食，食落幾彈牙。翡翠濃湯 $88 拉麵店通常都係四色之選，白、紅、綠及黑，每款係代表不同味道，當中綠色好似比較少人會食，其實都係用天然草本植物調色，不過湯底草本味唔太突出，相反令雞味無咁郁郁。另外每碗拉麵已經附有錦爽雞腿肉、味玉、洋蔥及京蒽，材料足夠飽肚。鹽雞白湯 $80 相對之下，呢碗雞白濃無加其他嘢可以嚐到純雞白湯嘅清甜，配埋爽口雞腿肉好夾。