泓一拉麵

Open Now

Now Closed

泓一拉麵之前試過紅磡嘅分店，記得當時個雞白湯拉麵已經好出色。雖然太子分店已經開左一段時間，而家先有時間去試試，結果果然保持到水準😋✨️泡沫雞x豚湯拉麵 $105✨️雞白湯口感軟綿，飲個湯底有好明顯嘅雞味同豚味，而又唔會互相搶左對方陣味，味道鮮甜。湯底質感有少少杰身，容易入口，而且都保持到幾熱嘅溫度。有兩塊叉燒、慢煮雞胸及溏心蛋。叉燒偏瘦，正常發揮；慢煮雞胸頗有咬口，有煙燻味道；溏心蛋亦有流黃，個人比較鍾意流黃嘅溏心蛋。麵質方面比較軟身，建議下次可以試下硬身少少。成件事都幾配合到。✨️煮干醬油拉麵 $105✨️湯底有陣陣醬油嘅香味，味道會比起雞白湯更為濃郁及膩，亦有點鹹，飲落之後會有陣魚乾味湧出。麵質一樣都係比較軟。不過呢碗個叉燒反而有點柴，有點難咬得開。不過幸好個溏心蛋夠入味。