Video
Read full review
2019-04-08
96 views
雞白湯拉麵湯底湯底顏色奶白，可以清晰見到湯面起泡，打發、搞拌既過程可认令湯底更加幼滑。雞白湯飲落味道濃郁，飲得出係好純粹、足料既雞湯；帶有輕微奶香。濃郁得黎唔會過鹹，亦不失鮮甜質感順滑creamy、易入口；湯底唔會太稠或過稀，balance得啱啱好。最值得一讚既係香濃既雞白湯一啲都唔油膩，味道亦天然，無落味精！平時食拉麵淨係試一啖湯既我，都忍唔住要用雞白湯撈埋啲拉麵食整體而言，湯底濃郁而不油膩，十分出色！飲完湯、食完拉麵都無口乾同漏既感覺，證明左湯底既真材實料拉麵拉麵份量好多，大食既我都要分幾筷比同伴拉麵選用粗幼適中既麵條，麵條煙韌有彈性，浸耐左都保留到咬口，唔會比湯底浸到淋曬！麵條掛湯力夠強，將雞白湯依附係麵條上一同進食，令拉麵味道提升~係本人係香港食過既拉麵中，麵條較為出色既一間溏心蛋調味做得非常好，溏心蛋雖然顏色較淺，但十分入味蛋黃流心效果一般，處於半流心狀態；質感幼滑。略嫌蛋白過軟，失去爽彈口感。雞肉有兩塊。標榜慢煮既雞肉果然無令我失望雞肉顏色帶淺粉紅，肉質鮮嫩，用牙齒輕輕一頂，有一定厚度既雞肉自然斷開，口感好特別，好食！叉燒兩塊。切得薄身，三分肥七分瘦。瘦既部份較鞋身，脂肪部
雞白湯拉麵
18 views
0 likes
0 comments
湯底顏色奶白，可以清晰見到湯面起泡，打發、搞拌既過程可认令湯底更加幼滑。
雞白湯飲落味道濃郁，飲得出係好純粹、足料既雞湯；帶有輕微奶香。
濃郁得黎唔會過鹹，亦不失鮮甜
質感順滑creamy、易入口；
湯底唔會太稠或過稀，balance得啱啱好。
最值得一讚既係香濃既雞白湯一啲都唔油膩，味道亦天然，無落味精！
平時食拉麵淨係試一啖湯既我，都忍唔住要用雞白湯撈埋啲拉麵食
整體而言，湯底濃郁而不油膩，十分出色！
飲完湯、食完拉麵都無口乾同漏既感覺，證明左湯底既真材實料
拉麵
拉麵份量好多，大食既我都要分幾筷比同伴
拉麵選用粗幼適中既麵條，麵條煙韌有彈性，浸耐左都保留到咬口，唔會比湯底浸到淋曬！
麵條掛湯力夠強，將雞白湯依附係麵條上一同進食，令拉麵味道提升~
係本人係香港食過既拉麵中，麵條較為出色既一間
溏心蛋
調味做得非常好，溏心蛋雖然顏色較淺，但十分入味
蛋黃流心效果一般，處於半流心狀態；質感幼滑。
略嫌蛋白過軟，失去爽彈口感。
雞肉
有兩塊。
標榜慢煮既雞肉果然無令我失望
雞肉顏色帶淺粉紅，
肉質鮮嫩，用牙齒輕輕一頂，有一定厚度既雞肉自然斷開，
口感好特別，好食！
叉燒
兩塊。
切得薄身，三分肥七分瘦。
瘦既部份較鞋身，脂肪部份做到入口即融，
食得出叉燒用火槍略略燒過，有炙燒過既味道。
叉燒屬正常發揮，無雞肉口感味道咁令人驚喜。
配料
炸牛蒡：酥脆，保留到牛蒡獨有既香氣。如果處理得無咁油會更好。
筍：爽脆、軟淋並存，無筍臭。
洋蔥絲：帶來清爽感。
木耳絲：增加爽脆口感（個人麻麻木耳既青味，走木耳絲我會更中意）
整體而言，雞白湯拉麵湯底、雞肉都令我出乎意料，溏心蛋味道亦唔差，值得一試
黑蒜醬油拉麵
17 views
1 likes
0 comments
除左湯底，所有配料同雞白湯拉麵都一樣。
湯底蒜香好出！
味道較雞白湯濃味同油膩，適合重口味既朋友。
湯底既油依附係拉麵上，食完成碗會比食雞白湯拉麵漏。
個人較推薦雞白湯拉麵
拉麵店裝修得幾好，坐得舒適。開放式廚房增加左透明度，坐係bar台可以睇住師傅整拉麵，乾淨度亦較為保障。
服務質素中上，店員服務殷勤
可以encore
Post
