座銀

Open Now

Now Closed

久仰大名的拉麵店！之前食過佐敦嗰間翻版店之後先發現原來係抄呢一間，心諗咁呢一間拉麵店應該真係好好味（因為我覺得嗰間翻版都唔算太差）。所以今次專登搭車入跑馬地試吓呢間座銀嘅總店！今次叫咗白雞湯拉麵（聽聞沾麵都幾好食下次應該會試吓）。湯底濃郁但又唔會覺得好有味精味，好正！牛蒡好脆，雞肉超級滑可惜比較細件，另外嗰塊豬肉片都好好味。食完之後真係覺得呢一間冇得輸，真心誠意推介。店舖環境都好有日本feel，連張濕紙巾都係made in Japan。感覺就好似去咗日本食拉麵一樣。