Video
Read full review
2021-08-14
82 views
裝修骨緻，有種日式居酒屋feel，坐bar枱可以望住廚師準備拉麵，可惜唔係喺bar枱直接上菜。一坐低會上一杯熱麥茶，香又重麥茶味，我超級欣賞。服務都好好，見到我哋一袋二袋，主動俾籃我哋放袋。*雞白湯拉麵 $98雞白湯顏色偏黃，面頭嘅泡係用均質機打出嚟，雞湯口感順滑，唔會覺得濃郁得嚟好張口，但係有種唔似日式拉麵湯底嘅感覺，有啲中式嘅味道，但又講唔出咩味道。麵底份量正常，但質素好普通，好似出去攞貨嘅質素，有種廉價嘅感覺，但好在麵質有咬口，唔會太腍。掛湯能力亦一般般，食麵嘅時候唔係太食到湯頭濃厚嘅感覺。配料有兩片雞胸肉，滑但唔夠嫩，而且冇味，冇錯！係連雞肉味都冇。叉燒唔係普通叉燒，似低溫慢煮叉燒，終於有啲味啦，軟腍又滑，我希望雞肉換晒叉燒。炸牛蒡絲太油，又唔夠脆。半熟蛋質素亦一般。雞白湯沾麵 $138沾麵同拉麵嘅配料基本上一樣，沾麵湯頭比拉麵更多濃郁厚身，味道一模一樣，但得好少湯，食到後面，嚴重懷疑沾唔晒所有麵。雖然有熱碗，但湯頭凍得好快，基本上15分鐘都凍晒。麵底係室溫溫度，粗身，比拉麵更加煙韌有彈性，點湯食同樣唔係太食到雞湯味。配料比拉麵多左一片豬肉叉燒同埋半邊蛋，所以都收貴啲。日式餃子
*
雞白湯拉麵 $98
雞白湯顏色偏黃，面頭嘅泡係用均質機打出嚟，雞湯口感順滑，唔會覺得濃郁得嚟好張口，但係有種唔似日式拉麵湯底嘅感覺，有啲中式嘅味道，但又講唔出咩味道。
麵底份量正常，但質素好普通，好似出去攞貨嘅質素，有種廉價嘅感覺，但好在麵質有咬口，唔會太腍。掛湯能力亦一般般，食麵嘅時候唔係太食到湯頭濃厚嘅感覺。
配料有兩片雞胸肉，滑但唔夠嫩，而且冇味，冇錯！係連雞肉味都冇。叉燒唔係普通叉燒，似低溫慢煮叉燒，終於有啲味啦，軟腍又滑，我希望雞肉換晒叉燒。炸牛蒡絲太油，又唔夠脆。半熟蛋質素亦一般。
雞白湯拉麵
$98
15 views
0 likes
0 comments
雞白湯沾麵 $138
沾麵同拉麵嘅配料基本上一樣，沾麵湯頭比拉麵更多濃郁厚身，味道一模一樣，但得好少湯，食到後面，嚴重懷疑沾唔晒所有麵。雖然有熱碗，但湯頭凍得好快，基本上15分鐘都凍晒。
麵底係室溫溫度，粗身，比拉麵更加煙韌有彈性，點湯食同樣唔係太食到雞湯味。
配料比拉麵多左一片豬肉叉燒同埋半邊蛋，所以都收貴啲。
雞白湯沾麵
$138
16 views
0 likes
0 comments
日式餃子 $38
炸餃子？望，係冰櫃凍餃子嘅質素，食，果然！都係冰櫃凍餃子質素。差唔多成10蚊一隻架，唉。
日式餃子
$38
4 views
0 likes
0 comments
總括而言，雞白湯拉麵沾麵都離理想有啲距離，尤其係麵底嘅質素令人覺得好失望，餃子簡直係可怕。我試過朋友嘅黑蒜醬油拉麵，我覺得湯頭濃厚，真係半黑蒜味半醬油味，同麵底整體更加融合。
Post
