Wing It! (Closed)

雞翼控朋友話銅鑼灣開左間叫wing it 的雞翼專門店，仲有好多口味選擇。結果lunch time我地就去左呢個雞翼宴！小店只有十多個吧枱座位，但尚算寬闊，坐得舒服。小店主要以小食為主，除左雞翼，仲有薯條，炸芝士和洋蔥圈。雞翼有原味和脆炸選擇，可選 4 隻或8 隻，店員仲話可以雙拼，一次過試晒兩款！兩款雞翼都好吸引，原味外皮煎至微脆，一點也不油膩。而脆炸就沾上粉漿再炸，咬落脆卜卜更有口感。其中一份我就加左黑松露醬，估唔到店舖咁大方，$10份量咁多，奉上時香味濃郁。賣點嘅醬汁選擇超多，多達15款醬汁和3款調味粉，個人比較喜歡蜜糖是拉差，味道又甜又辣，好特別！另外蒜香蜜味都好正。日本控要試日式燒烤！其他如芥末蛋黃醬、蒜香蛋黃醬、蜜糖芥末醬都好吸引！如果好似我咁貪心，不防堂食，每隻雞翼都點不同醬！薯條份量十足，粗身薯條薯肉滿滿，又可以無限蘸醬，正！炸芝士條 Mozzarella Sticks 即叫即炸，外皮酥脆，咬開爆哂芝士，拉絲拉不斷，係雞翼外的必食推薦！一直以為食雞翼晤會夠飽的我，食完投降，因為薯條份量又多，雞翼又多肉，最後汽水都飲唔落。