鳥羽名古屋料理 (Closed)

如果大家都係鐘意食雞翼，可以來試下呢間小店。呢家嘅雞翼不錯，分別有甜味、中辣同大辣，分量就有5隻、9隻同12隻選擇。我問店員中辣會唔會好辣？店員話如果你食得辣，中辣基本上唔會辣嘅！咁就點中辣啦！中辣雞翼（九隻）。雞翼味道惹味香脆，可惜雞翼燒得太乾身冇曬肉汁。另外，中辣對我來講係完全唔辣。下次我可以挑戰試下大辣先。另外我仲點左兩串串燒，牛舌肉嫩多汁，好吃！值得推介👍🏻！睇食評大家話呢度嘅鰻魚飯唔錯，除左食壽司外基本上對飯類無乜興趣，所以我就點左一串鰻魚試下。鰻魚串燒肉厚皮脆！店員見我喺度搵醬汁，馬上比我鰻魚醬汁。我覺得如果不都唔點舊鰻魚個味道差少少。點埋個醬汁舊鰻魚味道立即提升！不錯！今日大熱冇乜胃口，留番下次試下其他食物再報告下。