雞翼山 (新都會廣場) (Closed)

曾幾何時都有見過啲報章雜誌介紹過「雞翼山」呢間餐廳，顧名思義佢哋就只係獨孤一味賣 #雞翼🐣 不過因為 #小秘書 唔係咁習慣 #立食，所以一直冇機會嘗試。呢日咁啱俾我喺 #新都會廣場 見到「雞翼山」開咗間分店，而當時又未食lunch，一於豁出去拉埋個朋友去試吓😋餐牌上有各式各樣唔同口味嘅雞翼可以選擇，不過呢日唯獨係#原味脆香雞翼做緊promotion，每買4隻就+送1隻，不過價錢都唔平呀😏加埋杯#水蜜桃冰茶，承惠$56😅 坦白講，味道真係唔錯嘅，香脆嘅外皮，咬落去充滿肉汁，不過份量就真係少咗啲，奉勸大家喺肚餓嘅時候... 最好留返下一次先去幫襯🤪 最後飲埋杯 #水蜜桃冰茶，都可以頂吓肚嘅😏 同時降溫之餘，又可以幫手中和吓雞翼嘅油膩感。整體表現都唔錯嘅😉 雞翼係整得好好味嘅，不過真係 #唔夠攝牙罅🤪 講到服務，不得不比個 #like #一腳踢 嘅 #收銀哥哥，見佢對每個客嘅要求都有問必答，呢個時代好難得㗎喇😉