鮨玥 (Closed)

冒着滂沱大雨，我同朋友都要跑去蘇豪東因為要食高級日本菜！鮨玥環境寬敞，裝潢簡約，以木為主調，充滿日本風格。入面除咗卡位仲有吧枱位。香港天氣太悶熱，一坐低每人叫咗杯Suntory生啤，餐廳預先將酒杯冰凍，所以飲嘅時候特別爽。咁啱買兩杯有擦擦咭，頭獎係日本東京來回機票，可惜我抽唔中。餐廳食物款式樣樣有，包括刺身、串燒、丼、炸物，甚至有omakase。之前去東京嘅時候食過雞刺身，但好難咬又冇咩味道。今次捲土重來再試雞刺身，完完全全顛覆我對雞刺身嘅負面印象。口感有啲似一般生魚片，口感軟綿而且多汁，更具彈性但唔會咬極都咬唔開，值得一試。牛舌雖然薄身，但非常爽口。另外牛味非常突出，充滿油脂香味。燒雞翼我鍾意食，但餃子雞翼我更鍾意。雞翼外皮香脆不在話下，餡料令雞翼肉汁更豐富，同時令肉質更嫩滑。佐酒一流，石狩丼有六大片三文魚同魚卵。三文魚夠厚同好肥美，魚卵無腥味非常鮮甜，壽司飯唔會太黏或太酸。本鮪三昧丼總共有三種唔同吞拿魚，佢地既顏色同脂肪比例上有所不同，不過入口同樣溶化，油脂甘香。中間嘅吞拿魚蓉加左香蔥同芝麻後更香，食完真係好滿足。丼當然唔少得印上餐廳名字嘅蛋。總括而言，串燒同丼屬於高水準，雞刺身更