麥當勞

Open Now

Now Closed

今日終於試0左佢個雞肉烤餅.其實我都好耐冇食麥當勞,今日放工見少少餓就破例買0左個餐同屋企人一齊試啦個餐0既薯條汽水唔洗多講,都係0個d0野,個烤餅就几特別.入面有生菜同蘿蔔絲,有d似芝士0既沙律醬(都有少少芝士味),同雞扒一大塊.個烤餅皮煙煙韌韌几好食,但就唔係脆的.厚度俾我食過0既印度烤餅略厚,但都几有口感,唔錯.味道方面都唔差~塊雞扒我覺得普普通通啦,唔係難食0既,不過同m記0既雞扒包冇分別,我仲以為會有咩特別0野.佢話係健康烤餅,唔知係咪因為落0左好多生菜.但要健康就唔好落醬同塊雞扒唔好咁多油啦...m記0既食物,唔見到邊款係特別健康...就係個薯條汽水都夠唔健康啦...如果m記而家學人走健康路線我會覺得有困難...除非佢改哂一向0既煮食作風同用料.但佢賣0既就係平同快,仲有香口,呢d元素先吸引到生活節奏快0既港人同鐘意食香口0野0既小朋友.所以如果改健康路線都未必做到,更何況,現時做得俾佢好0既健康食品餐廳有咁多,佢都係唔適合扮健康喇...