Video
Read full review
2017-09-20
3898 views
今日實在係超級眼訓加超級肚餓，好彩有屈小姐試衫，係賴生面前轉下圈，令佢眼前一亮，先精神番D!!更好彩既係，屈小姐比賴生更早肚餓，所以早D食DINNER!!為左調查一下第時跑步既路線+跑步後食D咩補充，我地黎到中環威靈頓街既Healthy Chicken! 一間list晒所有Calories既舖頭，等我地跑完步都可以安心食，份量又好大，健康低卡又飽肚，可以安心食!!黎到中環威靈頓街，見到大大隻雞同綠色門口就係嫁啦，而入面既侍應都係外國人黎嫁，雖然佢地係外國人，你可能有心理準備要講英文，但賴生係外面睇緊食咩既時候，佢地居然用流利既廣東話問賴生想食咩，好厲害呢!真心要讚一讚當然賴生都唔客氣用番廣東話同佢地溝通啦!不過呢間舖其實主打外賣，所以無乜位坐，得一張吧檯可以容納到5個人坐，坐得就唔算太舒服，而且...有d熱，即使佢檯面有放幾部風扇仔，賴生都唔敢開，因為痴晒塵，一開吹入d野食度點算!!!睇完個menu之後，賴生同屈小姐都有決定啦....就同個侍應講要一個雞脾餐同一個三文魚餐啦，個侍應隨即好純熟咁拎盒三文魚出黎，慢慢夾入去個飯盒度，一塊，咦，兩塊?，咦?? 仲有多塊，成三塊咁多呀!! 超正
更好彩既係，屈小姐比賴生更早肚餓，所以早D食DINNER!!
為左調查一下第時跑步既路線+跑步後食D咩補充，我地黎到中環威靈頓街既Healthy Chicken! 一間list晒所有Calories既舖頭，等我地跑完步都可以安心食，份量又好大，健康低卡又飽肚，可以安心食!!
黎到中環威靈頓街，見到大大隻雞同綠色門口就係嫁啦，而入面既侍應都係外國人黎嫁，雖然佢地係外國人，你可能有心理準備要講英文，但賴生係外面睇緊食咩既時候，佢地居然用流利既廣東話問賴生想食咩，好厲害呢!真心要讚一讚當然賴生都唔客氣用番廣東話同佢地溝通啦!
不過呢間舖其實主打外賣，所以無乜位坐，得一張吧檯可以容納到5個人坐，坐得就唔算太舒服，而且...有d熱，即使佢檯面有放幾部風扇仔，賴生都唔敢開，因為痴晒塵，一開吹入d野食度點算!!!
睇完個menu之後，賴生同屈小姐都有決定啦....就同個侍應講要一個雞脾餐同一個三文魚餐啦，個侍應隨即好純熟咁拎盒三文魚出黎，慢慢夾入去個飯盒度，一塊，咦，兩塊?，咦?? 仲有多塊，成三塊咁多呀!! 超正，事關屈小姐係鰂魚涌食另一間分店既時候，三文魚餐係得一塊嫁咋，跟住佢就問我地要咩飯，賴生就揀左一個蕃茄飯同一個糙米飯，但佢好好人，問埋我地要唔要試菠菜飯同埋要唔要豆，咁好，梗係要啦~~~所以話，賴生幾時都話，出街帶住屈小姐(靚女???)係有著數既 (屈小姐：其實唔關事......)
屈小姐之選
三文魚沙律配是拉差辣椒醬
$82
181 views
0 likes
0 comments
好似之前咁講，呢間真係好抵食，呢個餐有多人地3倍既三文魚呀!! 不過三文魚既質素就差好遠啦，另一間就即煎即整，呢間就一早整定，除左凍左d之外，有d腥同埋overcook，肉質超實....
賴生之選:
雞脾沙律配芫荌沙律醬
$72
155 views
0 likes
0 comments
雞脾沙律餐
$72
197 views
0 likes
0 comments
2)雞脾沙律餐: 4⭐️
隻雞脾大到同個盒一模一樣，真係拎黎打人，何止牙骹軟，打甩都仲得啦!! 雞脾就比三文魚好味好多啦~~入味，雞肉又滑又多!!加埋林林種種既配料，超抵食!!
仲有好多新鮮既沙律菜，大量粟米，令成盒沙律飯好甜好好食，加上又有大量蕃茄粒同黑豆，酸酸甜甜又有黑豆味中和D甜味，味道層次超豐富!!可謂集抵食、健康、好味於一身!
至於飯底既選擇
1) 蕃茄飯:4.5⭐️
酸酸甜甜幾好味!!好夾個沙律食既
2) 菠菜飯:4⭐️
菠菜醬拌飯既味道，味道得宜
3)糙米飯:3.5⭐️
健康之選，味道就冇乜嫁喇~~因為冇調味麻
沙律醬:
1) 芫荽醬:2⭐️
都冇芫荽味既....，純粹叫有 Pat醬加落去令個沙律濕d，易入口d，就健康角度黎講，唔加仲好
2)是拉差辣椒醬 (中辣) :4⭐️
呢個就唔同啦，有好明顯既辣味，沙律醬既甜味又中和番，令佢唔會太辣，加落沙律度食，味道層次更豐富!
好彩我地今次有黎到睇一睇呢間舖，等我地第時跑步多間選擇，不過要注意一下衛生情況，如果唔係，下次我地應該都係拎走食多....haha!!
P.s. Healthy Chicken 會係2017年9月尾至10月頭裝修，希望可以改善下環境啦~ 我地會再番黎嫁！如果做到鰂魚涌店咁就好啦
#沙律怪
#菜怪
#健康控
#容易肚餓既體質
#去完旅行個胃撐大左
#要開始減肥啦!!努力!
#太好啦!!搵到答案又搵到一間可以食既野
Post
