Mr. Korea Chicken (Closed)

遲咗成年，第一次食呢味嘢，韓國炸雞。一入到個場就feel 到嗰種韓風，大大聲播K pop，有韓籍侍應，冇裝修，膠碗碟，叫嘢食仲自己剔紙仔，擺明後生仔地方。不過，望吓個價錢，一啲都唔後生，炸雞＄190一客，十零件，細細件咁囉。我哋叫酸甜炸雞，個皮幾脆同幾酸甜，不過入面就冇乜味；另外叫咗醬油雞翼，又係＄190 ，10-12隻左右，會唔會貴咗少少呢？味道都ok，同上。最迷離係個＄110香辣拉麵，大家以為百一蚊，應該有個鍋掛，點知係個鍋仔，叫做有幾隻青口，魷魚同蝦仔，麵係韓國即食麵，＄110?同場仲加映侍應喺正隔離用碧麗珠抺枱，一路食一路吸，真係後生仔至得。不過，收廿八蚊罐可樂又冇冰喎，後生仔鍾意飲凍嘢架嘛。呢味嘢去一次夠，我食番家鄉雞。By the way , 我哋4個人食完唔飽，去樓下白木屋再食過。