亞來街 (Closed)

早兩日honey同我去咗將軍澳Popcorn間"亞來街"食lunch,佢要咗碗海鮮喇唦,我就試海南雞飯.其實我一向麻麻地東南亞嘢..不過個雞飯又唔錯𡃓,係雞脾嚟㗎,冇其他網民講嘅東搭西搭,份量很足,雞肉又嫰滑,至於有冇雞味?對幾十蚊個飯,冰鮮雞又好,雪藏雞又好,差唔多啦;不過我就冇飲個湯..而杯馬來咖啡俾煉奶果種,就只係飲咗少少..真係唔多咁慣個味~其實叫之前,honey已經講咗我未必頂得順..至於碗喇唦,就好求其喇,啲所謂海鮮,蝦同青口雪到乜味都冇,連魚旦魚片都好似滾到冇哂味..啲蝦就預咗差,但係魚旦使幾錢?點解唔用啲好少少?好在油麵同米粉和湯都算係正常,不過拉平碗麵都係唔多合格..下次?我諗可以再食雞飯..