Goobne Chicken (M88) (Closed)

兩個月前去韓國無食到烤雞，今次黎補返數🤗，位於中環M88，方便友人返工lunch。烤雞款式多，簡左我最想試果兩款，本身想叫一雞🐔一沙律🥗，但見到隔離勁大盤，怕食唔哂浪費，所以叫左兩雞，可試更多口味。鐵板忌廉芝士雞（無骨）$185有新野梗係要試下啦，嘩～極度邪惡丫！用洋蔥、青椒同蒜蓉煮成既雞柳，再配上意粉同軟滑既忌廉芝士。雞肉無骨，味道似濃味版白汁雞皇意粉。重點係個年糕，非常煙韌軟淋😍，年糕口感同味道我比滿分丫。果味蒜香烤雞 $185食落陣陣蒜香味，略帶酸甜，味道清新。外皮好食，加上肉質夠滑嫩，亦充滿肉汁，韓國烤雞真係無得輸。柚子沙冰 $64將柚子、糖漿同冰塊攪拌而成，味道酸酸甜甜，好似食緊西柚甘，醒神開胃。食到兩人飽飽離場，如果一大班人黎食，試哂唔同口味，應該會更開心。