星巴克咖啡

Open Now

Now Closed

之前得知Starbucks為夏日新推出了一系列抹茶紅豆的食品，包括：星冰樂、鬆餅、蛋糕等，對抹茶迷黎講真係一大喜訊！難得今日放工後會去金鐘處理一啲事，但又未夠鐘，恰恰可以去Starbucks買個小食。。。想起新推出限定的食品，價錢會稍為比其他貴，但眼見連Mucafe賣一個藍莓muffin都要＄16，同樣價錢可以買返高一檔餐廳的新產品，如果唔買返一個黎食真係對唔住自己啦！可惜，原本想搵個位置坐低慢慢食，點知，大部分都坐著飲完食完都唔肯走既內地同胞，我寧願叫拎走去搵個好一點的地方了！焗熱左既muffin, 雖然沒有讓人討好的鮮艷綠色的外型，但平實而可愛！ 外層有點脆口，加上表面粒粒硬實的紅豆，抹茶味有點淡，反而被紅豆味蓋過了！ 但食到入面，有令人驚喜的紅豆蓉，味道不會喧賓奪主，份量還是不少呢！抹茶蛋糕雖然有點淡，但軟綿綿的，質感濕潤，一啖又一啖食住紅豆蓉的抹茶蛋糕，感覺上紅豆是主，抹茶為副，鐘情於抹茶狂迷可能會有點失望了！自問是抹茶狂迷，但本身對紅豆不太熱衷，但市面上的食品總離不開抹茶紅豆這對姐妹花的配搭！所以總是很想找尋能突破這口味的食物，如果各位有任何推介，勞煩請知會小妹一聲！