鴻福海鮮四季火鍋 (Closed)

今個月，又係離別嘅月份。除了軟飯王，拿督星馬冰室，仲有呢間鴻福火鍋。唯一又有燒烤又有打邊爐嘅炭爐地方，好可惜，大家要食就快。呢度好正嘅魔鬼魚湯底，將成絕唱，聽講去到月底已經好滿，幸好上星期去到，好好收藏呢個回憶。如果你同我一樣，仲有月底前嘅預訂，記得食串燒，例如雞心、魚扣、雞肝等等，好肯定其他地方都食唔到呢個風味。六月30日前係最後一日營業，想再食一次呢個風味，記得要訂位，希望江湖有天，可以再會。