Video
Read full review
2022-05-24
1655 views
難得嚟到離島，行山前梗係要搵間有特色嘅餐廳補充定體力。.🪑呢間餐廳menu分Sri Lankan同Western兩大類，但最吸引嘅當然係一望無際海景嘅dining area，再加上坐位闊落、附近唔會嘈吵、野食大份抵食，不失為一個週末悠閑好去處。.✨Mini Snack Platter $58- 吞拿魚丸子：其實唔太食得出吞拿魚，似係炸得外脆內軟嘅薯蓉波波，鍾意佢咬落即散、粉粉地嘅口感- 炸雞翼：好單調嘅炸雞翼，無論係雞翼定炸皮都無調味，要靠蘸小食盤配嘅甜酸醬先有味，尚算可取嘅係雞肉都幾嫩- 焗法包（with salsa sauce)：麵包片硬脆有啲刮口，但醬料俾得好足，酸酸甜甜作為開胃小食十分唔錯.✨Kukul Mas $85 🍛 斯里蘭卡style嘅咖哩雞——有別於我所認知嘅一般咖哩，食得出呢個係好多香料整成嘅醬汁，有少少帶苦嘅辣味，雖然唔算好惹味，但都可以一試。🍗但啲雞！！！超恐怖！！！🤢好似啲真空罐頭千年雞，又柴又霉，唔望menu真係會唔知食緊咩肉……咬咗半舊，其他唔敢再放入口喇…….✨Garlic Roti $25🫓烤餅超大塊，睇得出係手工製，唔同位置有薄有厚，煙韌有麥香，反而
.
🪑呢間餐廳menu分Sri Lankan同Western兩大類，但最吸引嘅當然係一望無際海景嘅dining area，再加上坐位闊落、附近唔會嘈吵、野食大份抵食，不失為一個週末悠閑好去處。
.
Mini Snack Platter
$58
137 views
0 likes
0 comments
✨Mini Snack Platter $58
- 吞拿魚丸子：其實唔太食得出吞拿魚，似係炸得外脆內軟嘅薯蓉波波，鍾意佢咬落即散、粉粉地嘅口感
- 炸雞翼：好單調嘅炸雞翼，無論係雞翼定炸皮都無調味，要靠蘸小食盤配嘅甜酸醬先有味，尚算可取嘅係雞肉都幾嫩
- 焗法包（with salsa sauce)：麵包片硬脆有啲刮口，但醬料俾得好足，酸酸甜甜作為開胃小食十分唔錯
.
Kukul Mas
$85
121 views
1 likes
0 comments
✨Kukul Mas $85
🍛 斯里蘭卡style嘅咖哩雞——有別於我所認知嘅一般咖哩，食得出呢個係好多香料整成嘅醬汁，有少少帶苦嘅辣味，雖然唔算好惹味，但都可以一試。
🍗但啲雞！！！超恐怖！！！🤢好似啲真空罐頭千年雞，又柴又霉，唔望menu真係會唔知食緊咩肉……咬咗半舊，其他唔敢再放入口喇……
.
✨Garlic Roti $25
🫓烤餅超大塊，睇得出係手工製，唔同位置有薄有厚，煙韌有麥香，反而蒜味唔太覺，但無論單食定蘸咖哩食都好正。失色位係應該落咗好多油去煎/烤，食到成手油，可能叫原味嘅話就唔會有呢個問題
.
Linguini Gorgonzola
$88
104 views
0 likes
0 comments
用blue cheese整嘅意粉，醬汁本身都好濃味，用扁意粉加大咗掛汁嘅效果，所以每一啖都好惹味：
值得一讚係雖然好重cheese味，但唔會太鹹，整體以奶香味為主，加上無論麵定煙肉、蘑菇等配料都毫不孤寒，雖然食到最後會覺得濟，但真係超滿足，彌補返咖哩雞嘅遺憾。
.
✨Latte $32
咖啡味極少，同飲熱牛奶無咩分別🤣
.
💯7/10
The Waterfront Restaurant & Bar (南丫島)
📍南丫島榕樹灣大街58號地下
#南丫島 #南丫島美食 #榕樹灣 #西餐 #斯里蘭卡美食 #咖哩#印度烤餅 #意粉 #LammaIsland #LammaIsalandFood #YungShueWan #WesternCuisine #SriLankanCuisine #Curry #Roti #Pasta
Post
