雞翼山 (裕民坊YM²)

Open Now

Now Closed

本人由雞翼山旺角一開果時已經幫襯，當時係相當不錯，之後到觀塘開分店，仲要係新開張，第一次去都還可以，結果在上星期買個外賣雞翼是生的，唔熟。我打電話去職員叫我有時間就落去，補番比我。最後我昨天經過唸住補番4隻雞翼。埋去櫃位同個帶眼鏡，肥肥地既小姐講，佢同我講話轉頭記住自己係100號籌。轉頭叫我。眼見得果3個人等緊。結果d人已經拎晒外賣。我仲企係度，睇住入面職員做緊自己野。無人整過我既雞翼。我再行去問，有個似係呢間分店既負責人同我講話佢剛剛行開左，問我咩事，我就照講，之後話雞翼炸緊，我眼見個女仔先拿拿聲開始整，跟本頭先自己唔記得！呢件事我真係對雞翼山好失望，越做越差！以前我見佢雞翼係好多新鮮炸，觀塘呢度，就講今次我係睇住佢將炸定既雞翼再番炸！然後去再加工密糖之類。以前拎到番屋企食落口仲熱辣辣，而家就算堂食都唔熱(觀塘店)。仲要請埋呢d員工，呢頭叫完我等陣，你話你好生意唔記得我唔怪你，唔計我得3個客，你咁都唔記得？咁你點樣去整好個雞翼比人食？收人三十幾四十蚊，4隻雞翼，成九蚊隻喎大佬，我都想請教下雞翼山老闆，買一磅雞翼幾錢。應唔應該去檢討下分店既出品。咁既質素，自己屋企整無咁興！