蘇花餐室

Open Now

Now Closed

去到陌生既地方做野，周圍貢搵野食。落住大雨，見到呢間靚靚地既小餐館，即刻入去涼住冷氣食個lunch先。因為未到午飯時間，所以都好多位，店主仲比左個卡位我坐。店內好闊落，裝修都幾有格調，令人心曠神怡。午市餐牌好簡單，但食物都算多元化。我叫左一客懷舊什扒，好期待到底會有咩野扒類。上枱時係豬扒、雞扒同火腿。份量好足，大大塊，好有睇頭。扒類都係預先煎香過的，有誠意，肉類新鮮，調味都幾好。作為一個豬雞腿飯黎講，確係唔錯。但有一件事錯了，懷舊什扒飯點能夠無煎蛋呢？當我一心諗住回味童年常食既味道時，見唔到半熟既荷包蛋實在令我失落。至於配飯既豉油，竟然係生抽！懷舊什扒飯配甜豉油是常識吧？另一個令我感到失望既地方。呢間餐廳環境算唔錯，服務都幾好，食物其實都幾好食架！但錯在改錯飯名，帶比人不合理期望啦！希望能改善餐牌或菜式。