牛禪燒肉日本料理 (Closed)

今日同三五知己來到牛禪日式料理， 一定要試試這裏高品質嘅神户牛， 淨係睇餐牌內嘅相片已經非常吸引， 牛嘅乜野部位我哋都想試,所以呢就點了個極上和牛盛宴，五品剌身和日式小吃， 嘗過這裏的和牛美妙滋味後，絕對會令人難以忘懷。這裏環境都是日本嘅風格 ，而且燒烤爐的抽氣是向下抽的， 燒烤完後身上衣服頭髮都沒有味道，令人 感覺很舒適。前菜点了好幾款，多春白飯魚、七味魚翅、三点前菜，什錦天婦羅和鵝肝多士，幾款小吃香脆惹味，送酒一流。所以同時点了兩支清酒，一支係大呤釀無極，有淡淡果味浸出易入口，另一支係金纹，酒精度高些，但兩款酒適合冰鎮下飲用。再來日式刺身，包括有油甘魚，帶子，三文魚腩，活赤貝，肉質鮮嫩，清甜魚味，鮮味無比。主角出場極上和牛盛宴， 經過燒烤的和牛去除了多餘嘅油脂多了燒烤嘅肉香，每個部位都有各的口感同埋風味不需要使用其他調味或醬料拌吃，只需用一點點鹽巴。最後少不了甜品環節，有幾款不同味道雪糕任君選擇，芝麻，益力多，鹽巴，榴槤味等……