八月堂 (Closed)

行開去太古 明明已經食到飽哂 但當見到八月堂牛角包 都係忍唔住行去朝聖下 岩岩開個時排哂隊 試下係咪真係咁正先 見到咁多款都簡左陣 因為只能食得落一個 晚上7:30 都有幾款已經賣哂 灸燒明太子同原味蜂巢可頌都無了 仲有買五送一 難怪賣得咁多係眾款中簡左金黃流沙牛角包黎食 姐係流心奶皇醬 店稱為鹹蛋黃流餡 介紹就話係鹹香 但食落明明係甜架wo 雖然唔係想像中既鹹味 係甜得黎好味既 牛角包好鬆脆 外脆內軟 奶油味好香又唔會太甜 不過食一個真係好夠 食完有少少喉嚨痛真係好creamy 由咬落去到食到尾都有流心餡 正呀