Video
Read full review
2021-11-18
72 views
之前朋友介紹位於屯門置樂的一間fusion菜餐廳，食咗一次後就一直念念不忘，所以今次就帶老公過嚟，讓他知道其實屯門區都有好嘢食既。店內的裝修和環境是我欣賞的，真的令人有種悽身日本居酒屋的感覺，講兩講又掛住日本了。😋蟹籽溫泉蛋 （$18）- 流心蛋配上蟹籽同埋芝麻醬，簡單做法，已經好好食。😋金磚豆腐 （$68）- 炸得好香脆，完全唔油膩，碟上仲附上七味粉同華鹽，再堆砌到靚一靚上枱，正！😋日式咖喱炸軟殼蟹燴飯（$148）- 隻軟殼蟹大大件，燴飯帶有濃濃既咖喱味，有Risotto口感，價錢唔貴，性價比高。😋串燒拼盤 （$98）- 雞腎一定要推介，個汁好香，燒得好爽口。雞皮食落口感似薯片。豬頸肉切到圓桶型，口感正過平時一片片嗰啲，原來豬頸肉係可以咁食法。燒牛肉都唔錯，翠肉瓜都幾juicy。😋七里香 （$32）- 忍唔住又叫左雞屎忽，食過一次返唔到轉頭，絕對會愛上。🍺黑白配（$62）- 食物惹味梗係要有啤酒，我其實唔太鍾意飲酒，但佢哋呢到既啤酒係較為容易入口，所以都飲咗幾啖。原本想推介老公食最出名仲要得獎的日式生炸BB乳鴿，可惜賣晒，唯有下次再嚟過幫襯啦。另外，見到佢哋有個留民雞煲，好有興趣，下
店內的裝修和環境是我欣賞的，真的令人有種悽身日本居酒屋的感覺，講兩講又掛住日本了。
😋蟹籽溫泉蛋 （$18）- 流心蛋配上蟹籽同埋芝麻醬，簡單做法，已經好好食。
😋金磚豆腐 （$68）- 炸得好香脆，完全唔油膩，碟上仲附上七味粉同華鹽，再堆砌到靚一靚上枱，正！
😋日式咖喱炸軟殼蟹燴飯（$148）- 隻軟殼蟹大大件，燴飯帶有濃濃既咖喱味，有Risotto口感，價錢唔貴，性價比高。
😋串燒拼盤 （$98）- 雞腎一定要推介，個汁好香，燒得好爽口。雞皮食落口感似薯片。豬頸肉切到圓桶型，口感正過平時一片片嗰啲，原來豬頸肉係可以咁食法。燒牛肉都唔錯，翠肉瓜都幾juicy。
😋七里香 （$32）- 忍唔住又叫左雞屎忽，食過一次返唔到轉頭，絕對會愛上。
🍺黑白配（$62）- 食物惹味梗係要有啤酒，我其實唔太鍾意飲酒，但佢哋呢到既啤酒係較為容易入口，所以都飲咗幾啖。原本想推介老公食最出名仲要得獎的日式生炸BB乳鴿，可惜賣晒，唯有下次再嚟過幫襯啦。
另外，見到佢哋有個留民雞煲，好有興趣，下次可以order一個外賣帶返屋企同家人一齊食。
Post
