天空虎嘯

Open Now

Now Closed

前排同男朋友出嚟食飯，試咗好多間餐廳都伏。雖然地方好靚可以打卡，但係又貴又唔好食，淨係得個外表。所以上網睇人介紹嘅餐廳都好驚中伏，唯獨呢間「天空虎嘯」係例外。有一次無意中見到呢間餐廳嘅介紹文，作為一間高檔嘅日本菜餐廳，最出名就係佢哋嘅海鮮，種類多到日本料理入面有嘅海鮮佢哋基本上都齊全。今次同男朋友book咗晚餐嚟呢度食，體驗真係好好。【阿拉斯加長腳蟹】佢哋比嘅份量係半隻，然後真係好大隻，肉質鮮嫩多汁，有長腳蟹獨有嘅香味。【芝士櫻花蝦鮑魚】好好食，芝士味夠濃郁，再配埋櫻花蝦同鮑魚，風味好足，又香又鮮。【日式京蔥醬油配本地雞】夠入味，雞肉好新鮮，日式京蔥醬油嘅味道好特別，同新鮮嘅雞肉特別夾。【墨魚滑】【蝦滑】口感滑嫩，墨魚同蝦味十足，味道可以喺口腔嘅每個角落度散開。呢度真係好值得嚟試吓，絕對物有所值！