中環茶記 (Closed)

經過中環，見到呢間裝修得咁光鮮既茶記，令人又驚又喜。招牌紅紅綠綠好搶眼。門口仲有對對聯，金色字，十足十我鄉下果種DESIGN。仲有碧綠色既舊式風扇。入面每個角落都各有特色，主要係想打造一種舊香港時代既感覺。我相信好多老一輩見到一定好有感觸。雖然係舊，但都注入左新香港既顏色。睇落光鮮亮麉一點。完全唔老土，都相對地乾淨好多。兩者既融合都舒服。睇睇價錢唔貴WO，中環靚地段黎講咁既價錢非常公道。食物方面有常餐、扒餐等等，同一般茶記無大分別。比較吸引既係烤豬扒拼鰻魚鐵板餐，係茶記食鰻魚我都係第一次，男朋友仲好擔心咁講話會唔會中伏呀?賣相好懷舊，用返最經典既木圓形鐵板上。鰻魚比我想像中大，接近半條。另外餐廳比多隻碟我，等我可以分開個鰻魚(燒得耐會老?)，豬扒肉好嫩，唔覺唔覺都食晒成塊。整體所有野都大件夾抵食。兩個人叫埋特色野飲都唔洗350$賣單。都可能因為大件既關係，餐廳無得比你改唔要薯菜叫意粉或飯。(另外叫當局可以自己叫啦)呢份係男朋友既黑椒汁牛扒拼三文魚扒。特飲方面我真係好鐘意呢杯懷舊雪兔，除左上面有一層棉花糖。下面係罐頭果肉.....諗起以前想飲但太貴爸爸唔比叫果種情景。而紅豆冰真係恰到好處