616牛肉火鍋專門店 (新時代中心)

Open Now

Now Closed

呢間做幾年開已經好出名，主打食牛唔同嘅部位，所以今日嚟都係主力想試唔同款嘅牛。嗌咗個理想點’鮮‘湯底，因為想主力食牛，所以揀個清啲嘅湯底。店員話呢個湯都可以飲，所以一上枱我哋就飲一碗試一試先，果然個湯底超鮮甜，完全冇味精味，去到我哋食完嘢之後再飲個湯底，因為我嗰啲牛同蔬菜，個湯底更加甜，幾個人差啲想飲晒個湯底。🤣牛就叫咗幾個部位試，有滑尾龍、匙柄、五花趾、橫隔肌等等，最鍾意橫隔肌，夠晒爽口，滑尾龍加咗蛋黃夠晒滑。整體嚟講呢度啲牛好有質素，雖然你食緊嘅時候都唔係好記得係邊個部位，但係基本上都係好食。