東后齋 (Closed)

好多事情的發生總係意想不到，就正如食肉獸如我都會選擇食齋。不過點都好，都係一個好的體驗。雖然少食齋，但都早已聽過東后齋大名，亦知道有唔錯的評價。老闆娘好nice好健談，佢話呢度係食全齋，即係連雞蛋、牛奶、洋蔥等等都唔用，各位全素食者可放心食。香口三色拼盤（$188）係最受歡迎菜式之一，係幾貴，但都幾大碟。拼盤包括椒鹽豆腐、生炒骨同沙拉骨。椒鹽豆腐留待下一道菜再講，生炒骨用左蓮藕代替，講真口感同真的當然係兩碼子的事，蓮藕切得比較大件，唔夠鬆化，還好咕嚕汁酸酸甜甜，以味道搭夠。沙拉骨其實係腐皮造成，易咬之餘沙律醬亦醒胃。其實呢度最吸引我係有一道黑松露醬炒麵（$108），中式齋菜館食到黑松露醬都幾驚喜，況且我係黑松露控，所以呢道菜必點。炒麵甫上枱已經非常香，黑松露醬下得慷慨，好難唔好食，難得麵條炒得乾身唔油膩，加左芽菜亦增加爽脆口感。因為見到隔離枱碟椒鹽豆腐（$78）賣相好靚，於是衝動地又點左，完全唔醒起拼盤已經有，真係失策。豆腐粒粒大小相若，色澤金黃，但裡面仍保持非常嫩滑，用筷子夾起要好輕力先夾到，可見火候拿捏得好好。調味方面椒鹽落得適中兼且均勻，唔會太鹹。芋頭魚好大條，係鬆化的脆漿下裡面