烤吧 (Closed)

先來一個生菜卡邦尼沙律，女王都話生菜好爽甜，味道真係非常之好啊。沙律醬係酸酸美味非常之好食！主菜呢就點左蜆肉意粉，蜆肉嚟自香港街市，新鮮採購返嚟嘅，非常之多，保守估計有20隻以上啦。每一粒呢都非常飽滿通透，加上帶有少少白酒，非常入味，意粉軟硬適中，必點推介！主菜另外點左烤巴必點嘅燒烤串，有雞肉豬肉同埋羊肉，都非常之好味。女王就最鍾意食羊肉，醃得非常嘢味！我自己就鍾意食牛，因為你鋪頭話係安格斯牛肉牛肉，烤得啱啱好！一啲都唔燶！雖然係有少少熱氣，唔熱氣點解要食呢？所以我覺得呢一度嘅串燒呢真係可以話係鑊氣十足。香烤大蘑菇亦都係非常之好食架，蘑菇呢仲大個手掌，而且呢烤完之後，海鮮味加上炭火嘅香味，女王食完都舉起大拇指！又到左女王最鍾意嘅甜品時間，呢佢就揀咗草莓味嘅奶凍，好香滑而且唔會太甜！佢就話食完飯能夠食一個咁好食嘅甜品，呢間餐廳真係非常之值得推介！睇戲都唔知食乜好，九龍灣星影匯睇完戲之後黎到啲一度食飯，又就腳，啲嘢又好食，邊度搵！