Video
Read full review
2020-11-14
1264 views
成日都覺得大角咀好多嘢食，今日中午見到有好多人排隊食呢間，一於就試吓呢間啦。🐄眷村紅燒牛肉麵 $62香港好少有台灣嘢整到真正台灣嘅味道，老厝邊係其中之一可以做到正宗台灣嘅味道。牛肉麵算係台灣菜入面一定要試嘅嘢。佢哋嘅牛肉望落紅紅地，肉身煮到好淋，好有牛肉味，可能因為尋晚食嗰個豬手印象太深刻，今日食呢個牛肉仲以為自己係食緊豬手，正。麵身啱啱相反，口感好有彈性，同牛肉形成咗強烈對比。識我嘅人都知我本身個人好鍾意食辣嘢，配埋佢味秘製嘅香辣牛油喺湯底入面，成碗麵個層次即刻昇華咗。🍚滷肉飯 (小) $30台灣嘢緊係唔可以唔試滷肉飯。雖然係叫咗個細嘅滷肉飯，但份量一啲都唔少。肉身係半肥瘦，有啲入口即溶嘅感覺，飯就吸晒啲滷肉汁，整體味道唔錯。🐓塔香鹹酥雞 $38鹹酥雞炸皮薄，食落香口唔油膩，鹹鹹香香咁。雖然係炸物係鹹酥雞，但咬落去依然係好多肉汁。整體嚟講，塔香鹹酥雞絕對係值得一試嘅小食。🧀起司肉鬆蛋餅 $35蛋餅皮薄，肉鬆好多，多到爆晒出嚟。芝士呢，一樣都爆曬出嚟，份量真係比足。放入口入面之後，層次感相當豐富。🍳超濃芋泥蛋餅 $38同起司肉鬆蛋餅一樣，有芝士，有肉鬆，份量超多。不過今次再加埋芋泥，芋
🐄眷村紅燒牛肉麵 $62
香港好少有台灣嘢整到真正台灣嘅味道，老厝邊係其中之一可以做到正宗台灣嘅味道。牛肉麵算係台灣菜入面一定要試嘅嘢。佢哋嘅牛肉望落紅紅地，肉身煮到好淋，好有牛肉味，可能因為尋晚食嗰個豬手印象太深刻，今日食呢個牛肉仲以為自己係食緊豬手，正。麵身啱啱相反，口感好有彈性，同牛肉形成咗強烈對比。識我嘅人都知我本身個人好鍾意食辣嘢，配埋佢味秘製嘅香辣牛油喺湯底入面，成碗麵個層次即刻昇華咗。
紅燒牛肉麵
$62
43 views
0 likes
0 comments
🍚滷肉飯 (小) $30
台灣嘢緊係唔可以唔試滷肉飯。雖然係叫咗個細嘅滷肉飯，但份量一啲都唔少。肉身係半肥瘦，有啲入口即溶嘅感覺，飯就吸晒啲滷肉汁，整體味道唔錯。
滷肉飯
$30
39 views
0 likes
0 comments
🐓塔香鹹酥雞 $38
鹹酥雞炸皮薄，食落香口唔油膩，鹹鹹香香咁。雖然係炸物係鹹酥雞，但咬落去依然係好多肉汁。整體嚟講，塔香鹹酥雞絕對係值得一試嘅小食。
鹽酥雞
$38
30 views
0 likes
0 comments
🧀起司肉鬆蛋餅 $35
蛋餅皮薄，肉鬆好多，多到爆晒出嚟。芝士呢，一樣都爆曬出嚟，份量真係比足。放入口入面之後，層次感相當豐富。
🍳超濃芋泥蛋餅 $38
同起司肉鬆蛋餅一樣，有芝士，有肉鬆，份量超多。不過今次再加埋芋泥，芋泥好香、好滑，好有芋頭味，比起司肉鬆蛋餅更值得食。其他地方都見唔到有得食芋泥蛋餅，鐘意食芋泥同蛋餅就一定要過嚟試吓啦！
超濃芋泥蛋餅
$38
21 views
0 likes
0 comments
總括而言，呢間係一間我一食完就已經好想食下一次嘅台灣菜。一定要bookmark！
Post
