大家樂 (Closed)

朝早的中環特別多人，雖然已經差唔多10點先到大家樂食早餐，但係都見長長人龍，好彩收銀姐姐手腳快，三兩下手勢就落完一張單，排隊俾錢都算係好快。之後等拎早餐人龍就郁得慢少少，但係都係5-10分鐘內拎到餐，以後呢D時間黎食都應該無問題。今日食柴魚花生粥配炒米粉，估唔到個粥非常足料，柴魚大大件，花生大大粒，而且粥底都好綿。炒米粉完全唔會油膩，又唔會痴埋一舊，好過之前係其他分店食。唯獨杯奶唔夠香滑，少少扣分，不過單講食物都係好味。