莊園韓國料理 (Closed)

好多年前韓風未吹起已經幫襯過莊園，當時並無留下特別深刻嘅印象。到現今周街都係韓烤連鎖店，大部分店都係一入門口就話要個半鐘交枱，加埋無心工作嘅仔，大陸嚟嘅食材，令我一早已經對韓烤失去興趣。直到呢晚喺tst三更半夜乜舖都收晒，突然見到莊園仲話收5am，二話不說就入左去兩條友伴菜有足足九小碟！另外我地叫左豬腩肉同埋羊肉，兩支Makkoli同四支Chung Ha，埋單都係八百幾，好抵又好食!豬腩肉較紅嘅顏色，同燒完口感同味道明顯唔係大陸豬，冇大陸豬陣蘇味，同埋入口口感較林，一問之下原來真材實料用韓國豬。羊肉用醬汁浸過，但都冇太甜同完全保留到羊肉味，推薦！