Video
Read full review
2016-10-27
274 views
位於銅鑼灣駱克道既火山燒，餐廳有兩層，晚上7點幾黎到都唔洗等位。晚飯時段$298一位，俾夠你三個鐘任飲任食，如果想任飲既話每位要多$20。呢到既爐同一般韓燒果D唔同，係用岩燒石爐，即係傳說中聲稱可以達到370℃，熱力均勻傳至食材既烤爐。檯上仲有三個筒裝住自家製醬汁，有燒汁、酸辣汁及玫瑰蜜糖。前菜方面有沙律同冷麵。沙律好開胃，加左少少蘆薈粒，清甜之餘仲有D爽爽地既口感，加埋芝麻醬之後仲更加香口。冷麵方面尚可，只不過wasabi 份量有點兒過多。雛雞味道唔錯，有少少香草味，係熟食黎既，送黎果陣仲熱辣辣，唯一唔好既就係太大隻，一人一隻既話都飽左2成啦。其他燒物方面，種類都非常之多。大蔥雞肉肉汁滿溢，烤後仲係香稔軟嫩，又唔會太乾。芝魚丸睇落有D似棉花糖，一咬落去先知係有芝士既，唔鍾意食芝士既我真係無咩興趣。玉子燒食落甜甜地，輕微既濕嫩配上焦香，令到我食到停唔到。燒菠蘿大大塊，微燒過後都仲有少少汁，熱辣辣，好開胃，唯味道偏甜，有機會係浸糖水而至。不過我地都叫左好多轉。燒雞腿肉串 : 雞腿肉串用上醬汁去燒，食落去啖啖肉，食落好咬口，好滿足。燒甜薯: 甜薯細細粒，好可愛，有名你叫，真係好甜好好味。茄
呢到既爐同一般韓燒果D唔同，係用岩燒石爐，即係傳說中聲稱可以達到370℃，熱力均勻傳至食材既烤爐。
檯上仲有三個筒裝住自家製醬汁，有燒汁、酸辣汁及玫瑰蜜糖。
前菜方面有沙律同冷麵。
沙律好開胃，加左少少蘆薈粒，清甜之餘仲有D爽爽地既口感，加埋芝麻醬之後仲更加香口。冷麵方面尚可，只不過wasabi 份量有點兒過多。
雛雞味道唔錯，有少少香草味，係熟食黎既，送黎果陣仲熱辣辣，唯一唔好既就係太大隻，一人一隻既話都飽左2成啦。其他燒物方面，種類都非常之多。
大蔥雞肉肉汁滿溢，烤後仲係香稔軟嫩，又唔會太乾。芝魚丸睇落有D似棉花糖，一咬落去先知係有芝士既，唔鍾意食芝士既我真係無咩興趣。
玉子燒食落甜甜地，輕微既濕嫩配上焦香，令到我食到停唔到。
燒菠蘿大大塊，微燒過後都仲有少少汁，熱辣辣，好開胃，唯味道偏甜，有機會係浸糖水而至。不過我地都叫左好多轉。
燒雞腿肉串 : 雞腿肉串用上醬汁去燒，食落去啖啖肉，食落好咬口，好滿足。
燒甜薯: 甜薯細細粒，好可愛，有名你叫，真係好甜好好味。
茄子: 食落無咩味，建議加返少少蒜茸會更加好。
雞翼皮脆肉嫩，好香口，只係油左少少。
腸仔有好幾款，食落外脆肉香。
咁多野食，其實樣樣食D，都好快飽，3個鐘頭任飲任食，一定夠時間一邊燒野食一邊同朋友傾計啦。
Post
