日熹樓 (Closed)

話說定期每隔三幾個月，我都會搵班舊同事食飯，不過今次已經係講緊隔左半年都有，先搞到今次嘅飯局，其中一位老細就提議灣仔日熹樓，係上海，京府菜而話晒大家返工都喺港島區，揀番灣仔都方便一點。上openrice睇睇，原來有得網上book枱，二話不說我就爭住做呢樣野，(可以儲積分)6:45pm左右，我就已經到步，起初以為喺後街，點知行行下就見到幢大廈，搭lift上4樓就到，都唔算難搵上到去，大概因為時間尚早，只有一枱客 (都10幾人)，見環境都唔錯，幾寧靜舒服，店員安排座位後就坐低，茶就叫左菊花同香片轉個頭，大家都已經陸續到達，就諗下食乜，(一致認為交比提議去呢間餐廳嘅個位老細去決定)一口氣叫左好多款菜式，當中我最鍾意有幾款，燻蛋做得好出色，流心蛋嘅形態，上面有少少蟹子或蝦子，好別緻，食落亦好有煙燻過嘅味道生煎包係另一樣我嘅喜愛，最緊要係夠熱，事實的確係，碟生煎包 有枝旗仔寫住"小心燙口"，溫馨提示值得一讚另外，店員將醉乳鴿放上枱個一下，有一下驚訝，見佢砌得好靚，將乳鴿肉整到好似羽毛咁樣好仔細，利害 !最後都叫左甜品，杏仁露食得出係自己磨嘅，而非買番黎溝下水咁，杏仁味幾濃整體而言食物不錯，但每碟