Video
Read full review
2022-12-27
379 views
為咗佢第一次寫食評，因為真係嬲到震，唔想大家中伏😅原本Boxing Day加紀念日同老婆去完街諗住食埋個甜品就圓滿，見佢轉咗手都未食過又坐滿人就諗住入去試下，不過其實都飽諗住叫一個share，但佢話今日特別日子要每人叫一份，咁都明白嘅，所以一個叫咗有👍🏼(推介)嘅金銀滿屋配曲奇雪糕，另一個叫咗份同樣有👍🏼(推介)嘅士多啤梨窩夫配曲奇雪糕。先黎嘅係金銀滿屋，其實係芒果小丸子加雪糕，難得嘅係成碗野都無味，西米同小丸子原本無咩味都正常，芒果汁都無味，就連個雪糕都可以無味，爭啲驚自己中咗招無咗味覺，成碗野水煮咁，只係將唔同嘅野放落同一隻碗就算，難食到喊，仲要賣成50蚊，真係估唔到咁common嘅野都可以伏成咁😐跟住心情插水對個窩夫都無咩期待，果然無咩特別唔難食已經係bonus，不過個雪糕依然係無咩，我同老婆都好想知係咩牌子嘅雪糕可以淡到咁🫠 最後死死氣食完俾錢走，一句拜拜都唔想同收銀講，自問我倆食野唔算講究，可以驅使我寫食評真係唔簡單，事後睇返有人喺食評寫過呢間係大角咀最難食嘅甜品，真係實至名歸🙄
為咗佢第一次寫食評，因為真係嬲到震，唔想大家中伏😅
原本Boxing Day加紀念日同老婆去完街諗住食埋個甜品就圓滿，見佢轉咗手都未食過又坐滿人就諗住入去試下，不過其實都飽諗住叫一個share，但佢話今日特別日子要每人叫一份，咁都明白嘅，所以一個叫咗有👍🏼(推介)嘅金銀滿屋配曲奇雪糕，另一個叫咗份同樣有👍🏼(推介)嘅士多啤梨窩夫配曲奇雪糕。
先黎嘅係金銀滿屋，其實係芒果小丸子加雪糕，難得嘅係成碗野都無味，西米同小丸子原本無咩味都正常，芒果汁都無味，就連個雪糕都可以無味，爭啲驚自己中咗招無咗味覺，成碗野水煮咁，只係將唔同嘅野放落同一隻碗就算，難食到喊，仲要賣成50蚊，真係估唔到咁common嘅野都可以伏成咁😐
跟住心情插水對個窩夫都無咩期待，果然無咩特別唔難食已經係bonus，不過個雪糕依然係無咩，我同老婆都好想知係咩牌子嘅雪糕可以淡到咁🫠
最後死死氣食完俾錢走，一句拜拜都唔想同收銀講，自問我倆食野唔算講究，可以驅使我寫食評真係唔簡單，事後睇返有人喺食評寫過呢間係大角咀最難食嘅甜品，真係實至名歸🙄
Post
