達人烤肉 (Closed)

銅鑼灣一帶真係好多韓式烤肉店，愈開愈多，估唔到既係人流都相當勁，每到晚飯時間更加一位難求，講既就係今晚黎到既達人烤肉。其實小妹真係唔常食烤肉，因為價位較高，有時用上幾百蚊都好似食左陣風咁，確實肉赤，唔知今次呢間店又如何呢？.先講返餐廳環境，佈局同大多數既烤肉店差唔多，不過要讚既係冷氣夠涼，大熱天時一邊食住烤肉都唔覺熱。.呢度同樣有數款涼菜，包括芽菜、沙律同洋蔥絲等同生菜可以免費添加，就連蛋漿都係，呢個反而唔多烤肉店做到，確係吸引呢。.芝士粟米都係另一個吸引之處，仲牽到絲架! 不過芝士味其實唔算濃。.另外仲有鹽、甜辣醬同甜酸醬可沾烤肉食。.今次我地就決定要點套餐，分別有兩個套餐，包括頂級套餐及特級套餐 $620/520，前者係3~4人份量，後者係2~3人份量。但睇落頂級套餐既3~4人份量都唔係好多食物，我地兩個食肉獸最後就要左頂級套餐 (3~4人份量) $620，價錢唔平。.霜降牛肉色澤鮮艷，看到雪花紋的降霜牛肉，一碟有約六片，每片都切成長方形大小的。每片都煎至約七成熟就食，入口肉質頗嫩滑腍身，但就欠了一些肉味，唔夠濃。.竹筒五花腩肉一整件的五花腩，需自行剪開再慢慢燒，而且腩肉頗厚身的。