Video
Read full review
2020-12-03
1016 views
今時今日唔少人都會去觀塘或其他地區嘅工廈覓食，我同朋友亦唔例外。之但係中伏嘅機會真係頗高🙈，不過我哋唔會就咁氣餒，終於俾我哋發掘到一間高質嘅台灣食店－「日月堂」。餐廳採用QR code落單，但枱面同時亦放有點餐紙以作參考🧾。麵食、便當、小食同蛋餅等，一應俱全。另外，飲品亦有唔少選擇。玉米起司蛋捲餅($38)，平日我唔算特別好蛋餅，但我認為呢度嘅出品好好食！首先蛋餅熱辣辣送上，內裏嘅🧀芝士能夠發揮拉絲嘅效果，加上爆多🌽粟米粒，令人滿足。蛋餅皮厚薄適中，富有蛋香。紅燒牛肉麵($70)，紅燒湯底好惹味🍜，辣度啱啱好，而且唔會太油，但個人認為鹹咗少少。🐮牛肉有四大嚿厚切，唔係平時食開嗰啲「薄切切」紙咁薄嘅肉片，所以咬落好有口感，食到一絲絲肌肉同纖維，亦帶有濃濃嘅牛味。伴旁嘅蘿蔔好淋、兼非常入味，似食蘿蔔牛腩時、嗰種滲入肉汁嘅蘿蔔，唔似後期製作完、再放落去。到於麵條本身，幼細得嚟口感彈牙，好食😋。炸排骨麵($52)，轉冬粉(+$5)，🐷炸豬扒另上，外皮炸得幾酥脆，皮薄唔離肉，完全無厚粉嘅感覺，抵讚👍🏻。冬粉好多地方都有得嗌，但好多時嚟到嘅係普通粉絲，不過呢度就冇呃人，係正宗「冬粉」，形狀粗粗哋、
今時今日唔少人都會去觀塘或其他地區嘅工廈覓食，我同朋友亦唔例外。之但係中伏嘅機會真係頗高🙈，不過我哋唔會就咁氣餒，終於俾我哋發掘到一間高質嘅台灣食店－「日月堂」。
餐廳採用QR code落單，但枱面同時亦放有點餐紙以作參考🧾。麵食、便當、小食同蛋餅等，一應俱全。另外，飲品亦有唔少選擇。
玉米起司蛋捲餅
$38
28 views
0 likes
0 comments
玉米起司蛋捲餅
$38
15 views
0 likes
0 comments
紅燒牛肉麵
$70
14 views
0 likes
0 comments
紅燒牛肉麵($70)，紅燒湯底好惹味🍜，辣度啱啱好，而且唔會太油，但個人認為鹹咗少少。🐮牛肉有四大嚿厚切，唔係平時食開嗰啲「薄切切」紙咁薄嘅肉片，所以咬落好有口感，食到一絲絲肌肉同纖維，亦帶有濃濃嘅牛味。伴旁嘅蘿蔔好淋、兼非常入味，似食蘿蔔牛腩時、嗰種滲入肉汁嘅蘿蔔，唔似後期製作完、再放落去。到於麵條本身，幼細得嚟口感彈牙，好食😋。
炸排骨冬粉
$57
8 views
0 likes
0 comments
冬粉
5 views
0 likes
0 comments
飲品方面🥤，我哋要咗黑糖珍珠鮮奶($32)同芋香奶茶($24)，兩杯都幾好飲。珍珠個杯因為用上鮮奶🥛，所以冇咁甜，而朋友就話香芋嗰杯令佢諗起甄沾記香芋雪條嘅獨有香味！題外話，如果飲品用透明杯會更靚。
黑糖珍珠鮮奶
$32
16 views
0 likes
0 comments
總括嚟講，日月堂嘅食物出品出色，令人回味🤤，更加令我品嚐到「紅燒」同「鹽酥」嘅滋味。再者，食物定價唔貴，每人百幾蚊已經食到好飽。下次嚟會試埋飯同甜品。最後，我仲留意到佢係一間撐香港人嘅店💛。
Post
