Video
Read full review
2022-03-29
212 views
蕃茄仔 Red Objects 顧名思義主打番茄湯 ( 正字係「番」 )食過幾次同朋友一致認同佢哋嘅麻香拌麵更具特色 😎 之前喺九龍灣返工，Lunch 起碼排半個鐘以上，選擇較少、價錢亦唔算平，但味道好同埋 Toppings 份量肉多到食唔晒，良心小店能夠保持高水準，難怪人氣旺盛 😆‣ 輕煎三味鴨．麻香惹味拌刀削麵｜$88 鴨胸煎得酥脆，將外皮油分完全逼出，皮脆肉厚十分滿足 😍 拌麵鋪上大量炸乾蔥酥及木魚花，與帶甜醬汁拌勻後香氣四溢、麻得帶勁，嗜辣嘅朋友可另外灑上鬼椒辣粉，更添風味 🔥 鬼椒出名辣得直接，記住輕手啲唔好嗆親 🤣秘製豬扒都唔錯，入口鬆化毫無雪味，可見店主選料上乘，值得稱讚 👍🏻食素嘅朋友可向工作人員查詢，店內有隱藏菜單將肉類轉成 3 種蔬菜，考慮周到 🥒🥕🥬‣ 慢火澳洲和牛𦟌．自家鮮茄濃湯上海麵｜$83厚切和牛𦟌與番茄湯同煮，牛肉揀得好自然好味 🥩 軟、滑、腍之餘連筋膜都煮得彈牙，用筷子輕輕一夾即可分開 🥢 ( 圖八 ) 番茄濃湯呈橙紅色，有別坊間加入大量茄膏調味嘅湯底，可以想像係屋企煲嘅番茄薯仔湯打成蓉咁，味道較清淡及 Authentic 🍅 能夠嚐出食材清甜原味，滑溜
‣ 輕煎三味鴨．麻香惹味拌刀削麵｜$88
鴨胸煎得酥脆，將外皮油分完全逼出，皮脆肉厚十分滿足 😍 拌麵鋪上大量炸乾蔥酥及木魚花，與帶甜醬汁拌勻後香氣四溢、麻得帶勁，嗜辣嘅朋友可另外灑上鬼椒辣粉，更添風味 🔥 鬼椒出名辣得直接，記住輕手啲唔好嗆親 🤣
秘製豬扒都唔錯，入口鬆化毫無雪味，可見店主選料上乘，值得稱讚 👍🏻
食素嘅朋友可向工作人員查詢，店內有隱藏菜單將肉類轉成 3 種蔬菜，考慮周到 🥒🥕🥬
‣ 慢火澳洲和牛𦟌．自家鮮茄濃湯上海麵｜$83
厚切和牛𦟌與番茄湯同煮，牛肉揀得好自然好味 🥩 軟、滑、腍之餘連筋膜都煮得彈牙，用筷子輕輕一夾即可分開 🥢 ( 圖八 ) 番茄濃湯呈橙紅色，有別坊間加入大量茄膏調味嘅湯底，可以想像係屋企煲嘅番茄薯仔湯打成蓉咁，味道較清淡及 Authentic 🍅 能夠嚐出食材清甜原味，滑溜嘅上海麵掛滿湯汁，有種家常嘅味道 🏡
🚫 需要提點嘅係忙亂間服務未算周到，出菜速度都幾慢。
有次同事加咗萵筍同山藥，每款 +$12 但只有薄薄 3 片 ( 圖九 ) 🥲 上菜嗰吓大家都呆咗，問返店員只係好冷淡咁話規矩係咁，無論加咩餸都係得 3 片，過百蚊一碗麵，咁嘅「規矩」都令人幾錯愕 🤷🏽♀️📍 蕃茄仔
九龍灣常悅道 21 號 EASTMARK 1 樓 7 號舖
銅鑼灣希雲街 5 號地舖
Post
