Ruby Tuesday (Closed)

Ruby Tuesday久唔久都會同婆婆，舅父，我同仔仔一齊去食；因為婆婆之前花左1200蚊做會員；要久唔久去食先可以回本嘛。原價真係唔平的，但係會員半價就算左好抵食；平常4個人去，去2次已經回左1200蚊本啦，之後食的就係真正的半價。今日難得齊人，有太公太婆，姨公姨婆，婆婆，舅父，我同仔仔一行8人去食晚飯。因為一早訂位，所以完全唔駛等。亦好彩有訂位姐，雖然我地早食晚飯時段唔多人，但係佢冇乜大枱，數埋全場得三張大枱，多過8個人要分枱坐添啦。雖然已經去過好幾次，但係今次既服務真係最差呢。可能我地人多，落單位待應有D亂又唔再問；結果出錯又出錯...落完單，我先醒起點解牛扒冇問我地跟薯蓉，焗薯定薯條？又要搵另一個待應再跟一跟。到上菜時發現仔仔點的係牛扒配龍蝦芝士通粉，但待應落左2個牛扒配龍蝦尾搞到仔仔份牛扒係我地差唔多食完晒先黎，好彩仔仔有半個Burger頂住肚；唔係佢就全程有得睇冇得食啦。明明我仔係第一個落單的人，點解都會錯呢？太公同姨公點的Steak & Scallop ，牛扒都唔駛點講，佢係好食架啦；同港式牛扒冇得比。帶子雖然細粒，但都幾好食，煮得岩岩好，唔會變帶子乾。舅父點的Prem