Video
Read full review
2013-11-16
201 views
因為要拍一條關於係深水埗蛇舖既紀錄片而走匀深水埗三間蛇舖，三間都各具特色，但最吸引我同組員們既，就一定係最好食，而且最有人情味既蛇王協。第一次去考察既時候，舖面人頭湧湧，店員都耐心安排座位比我地，仲同大家有講有笑，感覺好親切。坐低點餐無耐，大蛇羹($68) 同糯米飯($15) 就熱辣辣咁奉上。蛇羹既味道都好鮮，唔會用太多調味料去cover 蛇原來既味道。料又好足，每羹都有蛇既先叫蛇羹嘛。有人話色唔夠濃，味唔夠咸，不過講真吖，要整色整水不如食碗仔翅。 最令我感受到關懷既時刻，係我地當時要食匀三間蛇舖，就間間都食少少費時食滯，於是我地六個人分一碗大蛇羹同一人一碗糯米飯，店員主動問我地要幾多碗仔，完全無介意過話幫襯得少。相反，去到另一間蛇舖，當時舖頭人唔多，我地四個人(有兩個離隊走左) share一碗大蛇羹，就話：得一碗邊夠食阿！ 我地回應： 我地諗住試下架咋。 唔知係唔係咁岩得咁橋，就即刻有人走埋黎叫我地d袋唔好阻住其他人，驚click親我地自己咁講。對比之下，就知道邊間你會想去多次。至於個糯米飯就真係炒得好香，有立肉，蝦米，立腸，食起上黎又唔算好油，亦唔會痴埋一舊舊。食飽飽就同老闆娘申請
第一次去考察既時候，舖面人頭湧湧，店員都耐心安排座位比我地，仲同大家有講有笑，感覺好親切。
坐低點餐無耐，大蛇羹($68) 同糯米飯($15) 就熱辣辣咁奉上。蛇羹既味道都好鮮，唔會用太多調味料去cover 蛇原來既味道。料又好足，每羹都有蛇既先叫蛇羹嘛。有人話色唔夠濃，味唔夠咸，不過講真吖，要整色整水不如食碗仔翅。 最令我感受到關懷既時刻，係我地當時要食匀三間蛇舖，就間間都食少少費時食滯，於是我地六個人分一碗大蛇羹同一人一碗糯米飯，店員主動問我地要幾多碗仔，完全無介意過話幫襯得少。
相反，去到另一間蛇舖，當時舖頭人唔多，我地四個人(有兩個離隊走左) share一碗大蛇羹，就話：得一碗邊夠食阿！ 我地回應： 我地諗住試下架咋。 唔知係唔係咁岩得咁橋，就即刻有人走埋黎叫我地d袋唔好阻住其他人，驚click親我地自己咁講。對比之下，就知道邊間你會想去多次。
至於個糯米飯就真係炒得好香，有立肉，蝦米，立腸，食起上黎又唔算好油，亦唔會痴埋一舊舊。
食飽飽就同老闆娘申請拍攝工作喇，老闆娘都好配合，願意答應協助我地既拍攝工作。
拍攝當日，老闆娘示範拆蛇肉比我地睇，原來每條蛇飛完水之後都係用一隻削尖左既筷子，用人手一下一下將原條蛇拆肉，真係好花功夫，每塊蛇肉都得來不易。
無耐老闆娘仲特登叫佢細佬炒個蛇碌比我地食，個蛇碌熱辣辣又唔油，又夠哂野味，唯一一樣美中不足既係一定要用手食，如果唔係就食唔到骨與骨之間既肉，嘥哂~
香港淨返既蛇舖唔多，識劏蛇，捉蛇既人更加少之又少，要食到足料既菜餚，無百幾二百蚊都唔洗指意諗。唯獨呢度既價錢難得地夠平民但食物都有一定水準。 當你堆怨緊麥當當，大家樂既野食又貴又少又難食既時候，點解唔做d實際行動，去支持返一d有素質既良心商舖？
Post
