祥基茶餐廳

Open Now

Now Closed

雖然住咗大埔唔係好耐，但係一直都冇試過呢間祥基茶餐廳。事緣亦都係佢之前一直裝修左一段時間，最近呢幾個月先至重開。好...今次就決定一試！其實本身都諗住普普通通食餐飯完全冇任何期望，但點知又估唔到有驚喜喎！例湯都好大碗。椒絲腐乳仔炒白菜牛肉，真係非常唔錯！個菜炒得勁好味，牛肉又叫嫩滑。唔係誇張..白菜仔勁入味，值得一讚。沙姜雞都幾好，當然以價錢來講$66都幾抵食！其實呢杯凍檸茶係冇特別嘅，我只係想講凍飲加$2，但我估唔到呢杯凍檸茶係咁大杯架！以後唔煮飯嘅時候，都可以考慮下黎叫個餸食個飯都唔錯丫！