來佬餐館 (Closed)

出入依間餐廳總覺得有點貴氣，因為要經過一個旋轉樓梯先到裝修小巧，但格局非常精致，有種餐廳小館的感覺。不嬲知道呢間餐廳既乳鴿好出名，今次黎食佢地全新Menu的多國菜，見到佢地既乳鴿出左款「茉莉茶香煙燻白鴿胸田園沙律」，乳鴿肉雖然好食，食慣左滷水口味，換依種煙燻乳鴿都幾特別。一上檯已經有略有少少花茶及茉莉花香味，令到乳鴿變左部西餐菜式，非常特別難忘。其實黑松露野菌湯已經好多餐會都有做，好欣賞依間餐廳會將黑松露野菌湯做少少變化。佢地將個湯既一步份打至起泡，雖然味道一樣，但口感就完全唔一樣。幽香的黑松露露配濃厚口感，用口都試得出大廚的心機，抵讚！另一個我覺得難忘既菜式，係「鵝肝煙鴨胸批」。一上檯個陣仲以為係威靈頓牛柳。後來經理同我地分享，師傅將鵝肝與鴨胸批的配搭，用威靈頓牛柳的做法呈現。咁矜貴既鵝肝，竟然用鴨胸包裹，味道好複雜，非常好味。