Video
Read full review
2025-01-19
121 views
前幾日去左間位於灣仔近囍帖街既鐵板燒餐廳，難忘既一餐♥️♥️♥️。座位以廚師吧枱為主，可以欣賞到師傅席前料理既過程。食材高質，服務滿意。適合慶生或紀念日，師傅可以係鐵板上畫公仔或者寫上祝賀字句，相當用心。HK$880 per one季節沙律沙律菜新鮮爽脆，水晶海藻口感軟滑Q彈，淋上芝麻醬掛滿汁，愈食愈開胃。魚籽鵝肝蒸蛋🥚蒸蛋入面加左鵝肝，蛋味香濃，口感軟滑，有入口即溶既感覺。面頭以黑魚籽作點綴，層次口感豐富亦令鮮味提昇。先活時令龍蝦師傅一路燒一路表演拆肉，透過鐵板均勻煎製，仲有火燒龍蝦頭表演🔥，超級有氣派，盡顯功架！！龍蝦鮮味濃厚，肉質緊實有嚼勁，以龍蝦膏煮成，配多士麵包一齊食，食到我地舔舔脷。原隻先活南非鮑魚鮑魚厚肉彈牙，先食原味再配上海苔忌廉汁，兩種食法都一樣鮮美可口。季節時令海鮮 香煎北海道帆立貝帆立貝肉質爽口彈牙，大大粒，味道鮮甜！加上黑魚籽同埋金箔點綴，外賣相當吸引！紫菜包住一齊食，雙重口感。香煎頂級鵝肝鵝肝質感細緻綿密，入口即化，齒頰留香，油份沾上脆卜卜既多士一齊食，好邪惡！最後可以食番片菠蘿，解膩感，跟著繼續食過😜。龍蝦清湯龍蝦湯好清甜，仲食到少少蝦膏同埋蝦肉！鹿兒島霜降和牛薄
座位以廚師吧枱為主，可以欣賞到師傅席前料理既過程。食材高質，服務滿意。適合慶生或紀念日，師傅可以係鐵板上畫公仔或者寫上祝賀字句，相當用心。
HK$880 per one
季節沙律
沙律菜新鮮爽脆，水晶海藻口感軟滑Q彈，淋上芝麻醬掛滿汁，愈食愈開胃。
魚籽鵝肝蒸蛋🥚
蒸蛋入面加左鵝肝，蛋味香濃，口感軟滑，有入口即溶既感覺。面頭以黑魚籽作點綴，層次口感豐富亦令鮮味提昇。
先活時令龍蝦
師傅一路燒一路表演拆肉，透過鐵板均勻煎製，仲有火燒龍蝦頭表演🔥，超級有氣派，盡顯功架！！龍蝦鮮味濃厚，肉質緊實有嚼勁，以龍蝦膏煮成，配多士麵包一齊食，食到我地舔舔脷。
原隻先活南非鮑魚
鮑魚厚肉彈牙，先食原味再配上海苔忌廉汁，兩種食法都一樣鮮美可口。
季節時令海鮮
香煎北海道帆立貝
帆立貝肉質爽口彈牙，大大粒，味道鮮甜！加上黑魚籽同埋金箔點綴，外賣相當吸引！紫菜包住一齊食，雙重口感。
香煎頂級鵝肝
鵝肝質感細緻綿密，入口即化，齒頰留香，油份沾上脆卜卜既多士一齊食，好邪惡！最後可以食番片菠蘿，解膩感，跟著繼續食過😜。
龍蝦清湯
龍蝦湯好清甜，仲食到少少蝦膏同埋蝦肉！
鹿兒島霜降和牛薄燒卷
識食一定叫五成熟🤚！和牛有著大理石花紋般細緻既油花，軟嫩又多汁，肉味都相當濃郁，捲住炸蒜片同埋青䓤，膩感降低。
鹿兒島霜降和牛厚燒
厚燒和牛好柔軟，滿口油脂，好正🤣。可以搭配岩鹽、蒜片、昆布同埋芥末醬一齊食。我最鐘意配岩鹽，將肉既甘甜香氣帶出，令美味再升級！
炒野菜
看似平平無奇既炒野菜口感爽脆，加左蒜蓉牛油所以十分香口惹味。
秋田炒飯
日式炒飯粒粒分明，不黏糊之餘仲要夠鑊氣！師傅充分展現功架，加入蛋醬、鹹鮮火腿粒、大量櫻花蝦、香蔥等炒成，啖啖都充滿蛋香！
甜品係紅豆燒餅配抹茶/芝麻雪糕，超滿足既一餐。
Post
